Hvað viltu láta gera? Þegar rörið var lagt meðfram Suðurlandsvegi fyrr í ár hefði verið hægt að slá 2 flugur í einu höggi með því að koma fyrir göngustíg frá Selás, meðfram Suðurlandsvegi og að göngunum sem liggja undir Suðurlandsveginn. Hvers vegna viltu láta gera það? Beinni og styttri leið fyrir krakka úr Seláshverfi að ganga/hjóla í íþróttahúsið við Norðlingabraut og í Norðlingaskóla, styttri gönguleið fyrir þá sem búa í Selási og vilja labba kringum Rauðavatn. Þá væri hægt að tengja stíginn Viðarási á 2 stöðum og stytta leiðina milli hverfanna þannig.
Það kemur stór hljóðmön þarna þegar vegurinn verður breikkaður
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Svæðið sem um ræðir er í uppbyggingu og/eða breytingar fyrirhugaðar á komandi árum og því ekki tímabært að kjósa um að svo stöddu. Hugmyndinni verður komið áfram sem ábendingu inn í það ferli. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson hverfidmitt@reykjavik.is
Þetta er mun heppilegri staðsetning en að fara niður að vatni og tengir hluta hverfisins betur við stíganetið. Óskiljanlegt að þetta hafi ekki verið gert samhliða framkvæmdunum.
This content is created by the open source Your Priorities citizen engagement platform designed by the non profit Citizens Foundation