Hvað viltu láta gera? Setja upp gagnvirkt upplýsingaskilti um gróðurfar, lífríki og gönguleiðir við inngang að Laugardalnum, annað hvort austan eða vestanmegin. Byrja með eitt, það mætti svo setja upp skilti við fleiri innganga ef vel gengur með það fyrsta. Skiltin væru lík þeim skiltum sem finnast bæði við Tjörnina (í miðbænum) og sumar strendur höfuðborgarsvæðisins, sem sýna fuglalíf og annað lífríki sem finnst á því svæði. Ég vil bara gera aðeins betur og hafa skiltin gagnvirk eins og á söfnum, þar sem maður snertir punkt á korti og fær þar upplýsingar. Ef gagnvirkni er of dýr eða flókin framkvæmd þá er auðvitað einfalt mál að hafa QR kóða sem vísar í frekari upplýsingar um dýralíf, fuglahljóð, náttúrufar o.fl. Hér eru t.d. frábærar hugmyndir um svona skilti. Þau gætu líka litið út eins og listaverk, þetta þarf ekki alltaf að vera eins og allt sem hefur verið gert áður: http://www.naturetourismservices.com.au/interpretive-signs.html Hvers vegna viltu láta gera það? Fólk í borgum er farið að fjarlægjast náttúruna. Þó að við höfum þessa frábæru náttúru í næsta nágrenni eru margir sem þekkja ekki algengustu trjátegundir eða fuglategundir. Það eykur jákvæða upplifun af náttúrunni að geta þekkt fuglahljóð eða séð hvaða sveppir vaxa í dalnum og hvaða lífríki við deilum garðinum með. Við erum með grasagarð þar sem allt er merkt en það er margt fleira forvitnilegt að skoða í öllum Laugardalnum og jafnvel leynistígar sem fólk veit ekki um. Betri upplýsingar gætu aukið virðingu fólks á náttúrunni og hvers vegna það er mikilvægt að halda í þessi grænu svæði, sérstaklega fyrir framtíðina. Gott kort af svæðinu hjálpar fólki að kynnast svæðinu betur og hjálpar þeim sem koma í fyrsta sinn að rata um svæðið. Nú þurfum við líka að hugsa um ferðamenn sem labba í gegnum garðinn. Það væri gott fyrir þá að geta skoðað á korti algengustu göngustígana á skilti við einn innganginn, t.d. hjá þjóðarleikvanginum.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og er ein af þeim hugmyndum sem stillt verður upp á fundi íbúaráðs Laugardals á mánudaginn næstkomandi þann 26. apríl milli kl. 17-19 þar sem valdar verða 25 af þeim hugmyndum sem verða á kjörseðli hverfisins í kosningunni í haust. Hér er hlekkur á facebook event fundarins sem verður opinn og streymt beint: https://www.facebook.com/events/439145210721546/. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson hverfidmitt@reykjavik.is
Kæri hugmyndahöfundur Þín hugmynd var valin á uppstillingarfundi til þess að vera á kjörseðli hverfisins í kosningunni í Hverfið mitt næsta haust. Uppstilling kjörseðila fyrir kosningarnar fór fram á fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Nánari upplýsingar hér: https://reykjavik.is/uppstilling-kjorsedla-fyrir-hverfid-mitt. Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og niðurstaðan er að margar frábærar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. Til þess að auka líkurnar á því að þín hugmynd verði kosin til framkvæmda sumarið 2022 getur þú kynnt hugmyndina fyrir nágrönnum þínum og hvatt þau til þess að taka þátt í kosningunni í haust. Við sendum þér póst og minnum þig á þegar að því kemur. F.h. Hverfið mitt Kær kveðja, Eiríkur Búi Halldórsson hverfidmitt@reykjavik.is
Kæri hugmyndahöfundur, Til hamingju hugmyndin þín hlaut kosningu í Hverfið mitt 2021. Alls voru 111 hugmyndir kosnar og munu þær koma til framkvæmda á árinu 2022, niðurstöður kosninga má sjá á www.Hverfidmitt.is. Næsta haust hefst hugmyndasöfnun að nýju og gefst þá Reykvíkingum aftur tækifæri til þess að setja inn hugmyndir að verkefnum sem gera hverfi borgarinnar betri og skemmtilegri. Við þökkum þér kærlega fyrir þína þátttöku og viljum hvetja þig til þess að halda áfram að vera virkur þátttakandi í málefnum hverfisins. Ýmsar leiðir eru fyrir borgarbúa til þess að hafa áhrif á þróun borgarsamfélagsins og síns nærumhverfis. Íbúaráð Reykjavíkurborgar eru lifandi samstarfsvettvangur samráðs íbúa, félagasamtaka, atvinnulífs og borgaryfirvalda. Virk íbúaráð eru í öllum hverfum Reykjavíkur og funda þau í hverjum mánuði yfir vetrarmánuðina. Nánari upplýsingar er að finna hér: https://reykjavik.is/ibuarad. Einnig viljum við vekja athygli á því að ábendingavefurinn er alltaf opinn fyrir borgarbúa sem vilja láta vita af einhverju sem betur má fara í umhverfinu eða þarfnast lagfæringar: https://abendingar.reykjavik.is/. Bestu kveðjur, Eiríkur Búi Halldórsson hverfidmitt@reykjavik.is
This content is created by the open source Your Priorities citizen engagement platform designed by the non profit Citizens Foundation