Hvað viltu láta gera? Mér þætti frábært ef brekkan fyrir neðan Grímsbæ (fyrir neðan leikskolann fyrir neðan Grimsbæ!) Væri færð í fyrra horf þannig að hægt væri að nota hana. Hún var lagfærð fyrir nokkrum árum en með þeirri lagfæringu var hún eiginlega eyilögð vegna þess að brattinn eða hallinn er ekki nægur. Þetta hefur leitt til þess að þeir sem nota hana eða reyna það fara nuna i jaðar brekkunnar og enda oft krakkarnir sem eru á snjóþotum eða sleðum inn í botlanga hjá Giljalandi 26-32 á bílastæðinu beint fyrir aftan kyrrstæða bíla.( ég bý í Giljalandi 30). Þetta er stórhættulegt og eins er þarna rennt yfir göngustíg sem liggur niður brekkuna þar sem mikil gangandi og hjólandi umferð er að jafnaði. ÞAÐ VÆRI FRABÆRT EF ÞETTA YRÐI LAGAÐ ! Hvers vegna viltu láta gera það?
Fá meiri afþreygingu fyrir alla fjölskylduna
Afþreying fyrir fjölskyldur.
Einföld brekka til að renna sér á snjóþotu væri ódýrari lausn og á færi fleirra að redda sér rassaþotur heldur en dýrum skíðum
Sammála. Það væri einmitt best að laga hallan á löngu brekkunni. Gera lárettan stall efst sem stendur út, síðan brattari brekku sem endar í aflíðandi láréttri brekku aftur svo hún sé örugg fyrir krakkana. Hún er ónothæf eins og hún er í dag. Þar sem krakkarnir eru að renna í dag eru líka hættulegir ljósastaurar og oft búið að sanda göngustíga sem skemmir sleða og þotur.
Sammála þessu! Sleðabrekkan var algerlega eyðilögð og eina lausnin er að færa brekkuna til fyrra horfs, jafnvel brattari ef hægt er og með rennsli aðeins vestar - fram hjá trjánum.
Sammála tillögunni en það verður fróðlegt að sjá hvaða útfærslu bærinn kemur með núna. Síðast var gamla brekkan eyðilögð, en til að kóróna vitleysuna var sett stál & viðargrindverk, klætt með gömlum dekkjum, við rót brekkunnar. Hvet fólk til að kjósa með þessu, ekki nema bara fyrir skemmtanagildið
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og er ein af þeim hugmyndum sem stillt verður upp á fundi íbúaráðs Háaleitis og Bústaða á fimmtudaginn næstkomandi þann 6. maí milli kl. 17-19 þar sem valdar verða 25 af þeim hugmyndum sem verða á kjörseðli hverfisins í kosningunni í haust. Hér er hlekkur á Facebook event fundarins sem verður opinn og streymt beint: https://www.facebook.com/events/202843634962715. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson hverfidmitt@reykjavik.is
Kæri hugmyndahöfundur Þín hugmynd var valin á uppstillingarfundi til þess að vera á kjörseðli hverfisins í kosningunni í Hverfið mitt næsta haust. Uppstilling kjörseðila fyrir kosningarnar fór fram á fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Nánari upplýsingar hér: https://reykjavik.is/uppstilling-kjorsedla-fyrir-hverfid-mitt. Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og niðurstaðan er að margar frábærar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. Til þess að auka líkurnar á því að þín hugmynd verði kosin til framkvæmda sumarið 2022 getur þú kynnt hugmyndina fyrir nágrönnum þínum og hvatt þau til þess að taka þátt í kosningunni í haust. Við sendum þér póst og minnum þig á þegar að því kemur. F.h. Hverfið mitt Kær kveðja, Eiríkur Búi Halldórsson hverfidmitt@reykjavik.is
Kæri hugmyndahöfundur, Til hamingju hugmyndin þín hlaut kosningu í Hverfið mitt 2021. Alls voru 111 hugmyndir kosnar og munu þær koma til framkvæmda á árinu 2022, niðurstöður kosninga má sjá á www.Hverfidmitt.is. Næsta haust hefst hugmyndasöfnun að nýju og gefst þá Reykvíkingum aftur tækifæri til þess að setja inn hugmyndir að verkefnum sem gera hverfi borgarinnar betri og skemmtilegri. Við þökkum þér kærlega fyrir þína þátttöku og viljum hvetja þig til þess að halda áfram að vera virkur þátttakandi í málefnum hverfisins. Ýmsar leiðir eru fyrir borgarbúa til þess að hafa áhrif á þróun borgarsamfélagsins og síns nærumhverfis. Íbúaráð Reykjavíkurborgar eru lifandi samstarfsvettvangur samráðs íbúa, félagasamtaka, atvinnulífs og borgaryfirvalda. Virk íbúaráð eru í öllum hverfum Reykjavíkur og funda þau í hverjum mánuði yfir vetrarmánuðina. Nánari upplýsingar er að finna hér: https://reykjavik.is/ibuarad. Einnig viljum við vekja athygli á því að ábendingavefurinn er alltaf opinn fyrir borgarbúa sem vilja láta vita af einhverju sem betur má fara í umhverfinu eða þarfnast lagfæringar: https://abendingar.reykjavik.is/. Bestu kveðjur, Eiríkur Búi Halldórsson hverfidmitt@reykjavik.is
This content is created by the open source Your Priorities citizen engagement platform designed by the non profit Citizens Foundation