Hvað viltu láta gera? Setja upp fimm fræðslu- og upplýsingaskilti á völdum stöðum innan landssvæðis Kjalarness. Svo sem 1. við áætlað nýtt hringtorg við Móa 2. Skógræktina/Arnarhamar 3. Ártún/Blikdal 4. Hofstanga/Naustanes 5. Mógilsá í Kollafirði Hvers vegna viltu láta gera það? Skiltin munu vekja áhuga á svæðinu, náttúru þess og sögu og einnig þeim fjölmörgu útivistarmöguleikum sem svæðið hefur upp á að bjóða. Til að mynda mun skiltið við Móa tengjast vel við göngustíg upp á gömlu þjóðleiðina/póstleiðina.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og verður ein af þeim hugmyndum sem stillt verður upp á fundi íbúaráðs Kjalarnes á miðvikudaginn næstkomandi þann 24. mars milli kl. 17-19 þar sem valdar verða 20 af þeim hugmyndum sem verða á kjörseðli hverfisins í kosningunni í haust. Hér er hlekkur á facebook event fundarins sem verður opinn og streymt beint: https://www.facebook.com/events/866465844208636. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson hverfidmitt@reykjavik.is
Söguskilti hafa mikið fræðslu og menningarlegt gildi og nóg er af því efni að taka í gamla Kjalarneshreppi. Þó gerð hafi verið þónokkur slík skilti þá má enn á gera mörgu skil, t.d. í eystri hluta hreppsins gamla svo eitthvað sé nefnt. Þar eru t.d, merkar minjar um kaupstað og höfn á miðöldum sem Kristján Eldjárn telur vera fyrirrennara Reykjavíkur og varðveita skuli, sbr. grein hans í Árbók Hins íslenska fornleifafélags 1980. Kjalarnes býr yfir mikilli sögu sem vert er að fræðast um.
Kæri hugmyndahöfundur Uppstilling kjörseðla fyrir kosningarnar í íbúalýðræðisverkefninu Hverfið mitt fór fram á opnum fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Þín hugmynd var því miður ekki valin áfram og verður því ekki á kjörseðlinum að þessu sinni. Nánari upplýsingar um fyrirkomulagið má finna hér: https://reykjavik.is/uppstilling-kjorsedla-fyrir-hverfid-mitt Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og ljóst að margar góðar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. F.h. Hverfið mitt Kær kveðja, Eiríkur Búi Halldórsson hverfidmitt@reykjavik.is
This content is created by the open source Your Priorities citizen engagement platform designed by the non profit Citizens Foundation